MBATHI 345-369

NŨKWENDA ŨVOW’E (There is power in the blood) 1. Nũkwenda ũthew’e wathe waku’ Nthakame yake yĩ vinya - wa ũu,  Nĩ kana ũtw’ĩke mũndũ wake? Nthakame yĩ vinya wa ũu.  Kwĩ na vinya, nĩw’o - nthakame,  Ya Yesũ Mũtangĩĩi,  Kwĩ na vinya, nĩw’o nthakame,  Ya Yesũ, Mũtũtangĩĩi.  2. Nũkwenda kwaũwa mũio wa naĩ? Nthakame yake yĩ vinya wa ũu.  Nĩkana ũendanasye na Ngai? Nthakame yĩ vinya wa ũu.  3. Nũkwenda ũthew’e mwĩyĩan’yo? Nthakame yake yĩ vinya wa ũu.  Nĩ kana ũmũkwatae Ngai na w’o? Nthakame yĩ vinya wa ũu.  4. Nũkwenda wumw’e maũtumanu? Nthakame yake yĩ vinya wa ũu.  Nĩ kana ũmwendeesye Yesũ? Nthakame yĩ vinya wa ũu.  (Amen)

 NĨ MWĨAĨI WĨNA WENDO (Christ receiveth sinful men) 1. Nĩ Mwĩaĩi wĩna wendo,  Nũnũmeta ala athũku,  Moke kwake movow’e,  Mose thayũ ũtathela.  4/4Nĩtwinei twinei ĩngĩ Yesũ akamosa ala atheu 12/8Tavany’ai ũvoo wake,  Kũiĩ thĩna na ũkya.   2. ũla woosaa Yesũ,  Ndethĩawa na wendi,  Wa syĩndũ sya kũkũ nthĩ,  Ekwatasya ũtangĩĩo.  3. Kwaĩ kĩvindu kĩnene,  Kuma atamu wa mbee,  Kũvika Yesũ ooka,  Nĩw’o kwethĩiwe kyeni.  4. Sisya Mwĩaĩi waitũ,  ũndũ wookie kũũ nthĩ,  Tũsomaa ĩvukunĩ,  Avw’anene na andũ.  (Amen)

 ŨLA ŨNŨKWĨW’A WĨTANO (Whosoever will) 1. Ũla ũnũkwĩw’a wĩtano wake,  Tavan’yai kw’onthe andũ mamanye,  Nĩ ũvoo mũseo wa mũyo mwingĩ,  ũla ũkwend' oke.  Ũla ũkwenda ũla ũkwenda,  Tavanyai nthĩ kw’onthe na ũkanganĩ Nĩ Asa wa wendo ũnũkwĩtana,  ũla ũkwenda oke.  2. Ũla ũnũkwĩw’a Yesũ easya,  Oke na mĩtũkĩ atekweteela,  Ninyĩe w’o na ninyĩe nzĩa ya thayũ,  ũla ũkwend’oke.  3. Ũla ũkwenda oke ũũ nĩw'o watho.  Ũla ũkwenda oke ũũ ndũalyũkaa.  Ũla ũkwenda oke alike thayũnĩ.  Ũla ũkwend'oke.  (Amen)

 ŨKA KWA YESŨ KŨTHŨMŨA YU (Come away to Jesus now) 1. Ũka kwa Yesũ ũthũmũe yu,  Nĩwe wa kũthũmũsya thayũ,  Mwĩaĩi etwĩta tũke kwake,  ũka kwake Yesũ yu.  Ũka kwake Yesũ,  ũka kwake Yesũ,  ũka kwa Yesũ,  ũka kwake Yesũ yu.  2. Veva wake nũkũtwĩta yu,  Kwake nĩkw’o kwĩ ũtheu mwingĩ,  Thĩna witũ ũkathela vyũ,  ũka kwake Yesũ yu.  3. Nĩw’o amwe mena wĩkwatyo,  Nĩmaumie kĩkw'ũnĩ vyũ,  Makĩlika thayũnĩ wake,  ũka kwake Yesũ yu.  4. Inywĩ a mũtena wĩkwatyo,  Na mũtena kyeni kya thayũ Wĩkwatyo witũ wĩ kwa Yesũ,  ũka kwake Yesũ yu.   (Amen)

 NŨKŨKA NA NGOO YAKU YA THĨNA (Jesus will give you rest) 1. Nũkũka kwa Yesũ na ngoo yĩna thĩna,  Na mĩio mĩito ya naĩ Ia nthĩ maũũnĩ ma Mwovosya Yesũ,  Yesũ akaũne ũthũmũo.  Ũthũmũo wĩna mũyo,  Yesũ akaũn'ũthũmũo,  Nĩkĩ ndũkũka ũthũmũonĩ ũsu Yesũ akaũn’ũthũmũo.  2. Nũkũka kwa Yesũ? Ena wendo kwaku,  Mũiiti wa naĩ nĩwookie ũka we ũndũ ũilyĩ osa syĩtwa yake Yesũ akaũn'ũthũmũo.  3. Nũkũka nũkũka? Vaiĩ kĩndũ ũkũĩva,  Yesũ akwendete mũno,  Ngelan'yonĩ akwie nũndũ wa thayũ waku,  Yesũ akũn'ũthũmũo.  4. Nũkũka nũkũka? Akakwĩĩthukĩĩsya,  Semba wendonĩ wake,  Naĩ syaku na mothũku ikathew'a vyũ,  Yesũ akaũn'ũthũmũo.   (Amen)

 YESŨ E MŨOMONĨ (Let the Saviour in) 1. Yesũ e mũomonĩ,  Mũlikye.  E vo mavinda onthe,  Mũlikye.  Mwose we, ũsu mũtheu,  Nĩ Yesũ, mwana wa Ngai: Vingũa atanathi,  Mũlikye.  2. Ũmũnenge ngoo yaku,  Mũlikye,  Wekalanga nũnũũthi; Mũlikye.  Mwose we, nĩ mũnyanyau,  Akakũsũvĩa ngoo Kũkũ nthĩ, o na ĩũlũ; Mũlikye.  3. Ĩw’a wasya wake yu,  Mũlikye,  Wasya wake wa wendo,  Mũlikye,  Aũngyĩ mũomonĩ,  E na ũtanu mwingĩ,  Syĩtwa yake yĩ mũyo; Mũlikye.  4. Thokya mũeni ũsu,  Mũlikye.  E na lĩu wa ĩtunĩ,  Mũlikye.  Akamina naĩ syaku,  Na nthĩ ĩno yathela Nũkenũka ĩtunĩ Mũlikye.  (Amen)

 WĨENDA KWA YESŨ? (Have you been to Jesus?) 1. Wĩenda kwa Yesũ, akũthambye vyũ,  ũthambwe nĩ nthakame yake? Nũwĩkwatĩtye wendo wake kana ũthambwe nĩ nthakame yake? Nũthambĩtw’e nĩwe,  Na nthakame yake ĩla ntheu,  Nĩ kana ngoo yaku yĩth’we ntheu vyũ? Nũthambĩtw’e nĩ mwana wa Ngai? 2. Nũvikĩlaa Yesũ Mwovosya waku,  Wathambw’a nĩ nthakame yake? Nũĩkĩĩa mumo wake w’onthe vyũ,  Wathambw’a nĩ nthakame yake 3. Yĩla Yesũ wĩũka kũtwĩsĩa,  Tũkekalaa ĩtunĩ nake; Tũkakomana nake yayayanĩ,  Twathambw’a nĩ nthakame yake.  4. Inyw’ĩ ala mũtendete Mũtangĩĩi,  ũmũnthĩ kwĩ wovosyo wenyu; Nĩmũkwĩtwa mũlike kwa Mwĩaĩi,  Mũthambw’e nĩ nthakame yake.  (Amen)

 ĨTHUKĨĨSYEI WASYA WA MŨTANGĨĨI (Let the blessed Saviour in) 1. Ĩthukĩĩsyei wasya wa Mũtangĩĩi Mwose we Mũtangĩĩi.  Aũngeme yu akĩvingũsya,  Mwose we Mũtangĩĩi.  Ĩthukĩĩsyei wasya wa Yesũ Akĩvingũsya we Mũtangĩĩi Mũvingũĩe Yesũ,  Ena ũathimo mwingĩ,  Mwose we Mũtangĩĩi.  2. Nĩwe mũnyanyae waku mwene,  Mwose we Mũtangĩĩi,  ũla wĩanĩasya mavata,  Mwose we Mũtangĩĩi.  3. Ndũkamũlee akĩvingũsya,  Mwose we Mũtangĩĩi,  Nũtonya kũlea kũka ĩngĩ,  Mwose we Mũtangĩĩi.  4. Nake wasya wake nĩwa manee,  Mwose we Mũtangĩĩi,  Mwose we na ũtanu mũnene,  Mwose we Mũtangĩĩi.  (Amen)

 NŨŨTANA MYŨNTHĨ YONTHE (Let the blessed sunlight in) 1. Nũũtana myũnthĩ yonthe? Likya kyeni kya Yesũ,  ũka, lũngya kĩvindu,  Likya kyeni kya Yesũ.  Likya kyeni kya Yesũ,  Likya kyeni kwa Yesũ,  Ndũeke kũthĩna kĩvindu kyatulya? Likya kyeni kya Yesũ.  2. Nũmũtaĩa Mwĩaĩi Likya kyeni kya Yesũ,  Nũũmũkatha Mũtangĩĩi,  Likya kyeni kya Yesũ.   3. Nũũthũmũsya ngoo yaku Likya kyeni kya Yesũ,  Nũũtanĩa katĩ wake,  Likya kyeni kya Yesũ.   4. Nũũmũtavan’ya kwa onthe,  Likya kyeni kya Yesũ,  Nũũmĩete nthĩ kwake,  Likya kyeni kya Yesũ.  (Amen)

 NĨ ŨTŨMANE WA MWĨAĨI NGAI ALELŨYA (I’ve a message from the Lord, Hallelujah) 1. Ũtũmane wa Mwĩaĩi Alelũya,  Wa thayũ ũtakathela,  ĩvukunĩ ve ũvoo Alelũya,  ũkai kwakwa mwose thayũ.  Ũkai mwose thayũ,  ũkai kwa Yesũ oyu,  We mwene nũneenete Alelũya,  ũkai kwakwa mwose thayũ.  2. Ũtũmane wa wendo Alelũya,  Anyanyawa kwatai ũũ,  ũtũmane wa mumo Alelũya,  Ngai nĩwe ũnũkwasya ũũ.  3. Thayũ ũtakathela Alelũya,  Kwa Yesũ novo woneka,  Ithyonthe tũmwĩkaĩle Alelũya,  Nũndũ nĩwe Mũtangĩĩi.  (Amen)

 ŨKA ETE THAYŨ WAKU (Come, oh come bring your broken heart) 1.  Ũka, ete thayũ waku,  ũla mwanangĩku,  Yesũ evaa mũomonĩ,  Nthĩnĩ ũkavika,  Eteela aũkiite,  Nũkũnenga ũtanu,  Nĩkĩ ũendee kĩtũũonĩ,  Ũekeo wĩvo.  2. Mwose ngelan’yo yake,  Nĩyo vinya waku,  ũthambe nthakamenĩ ntheu,  Ya Mwovosya waku,  ĩthukĩĩsye wasya wake,  Na nũũkwĩta mũno,  Na mũio waku wa naĩ,  Mũnenge Mwĩaĩi.  3. Mboka nĩnzeũvye nzeo,  Ya wendo mũnene,  Na ũtanu wĩkw’o mwingĩ ĩtunĩ kwa Yesũ,  ũka ũmwĩtĩkĩle Ngai,  Mũuo nĩwiĩwe,  Mwĩaĩi Yesũ nũkweteele Akũthokye kwake.  (Amen)

 ŨKA NA NAĨ SYAKU (Come to the fountain) 1. Ũka na naĩ syaku kwake,  Mũio wa thĩna na woo,  Nũkũthew’a nthakamenĩ,  Nĩ kana ũthũmũe.  Ndwĩkalate weteele kĩ? Nũtonya kwasya thayũ waku yu,  Yesũ evo akweteele,  ũmũnthĩ ũtangĩĩwe.  2. Ũu ũtilyĩ ũka kwake,  Yesũ nũkweteele yu,  Ona naĩ syaku syĩ ndune,  Ikathew’a ta ĩa.  3. Ii nĩ ndeto sya Mũtangĩĩi Kwa onthe a’ mamwosaa,  Na asu me kũmwĩkwatya Thayũ menengwa mana.  4. Ũka wovow'e mũtĩnĩ,  Wĩthĩwe mumonĩ wake,  Alaĩka nĩ mekũtana,  Mwene naĩ aalyũla ngoo.   (Amen)

 NŨKWENDA KWOVOW’A? (Art though weary, art though languid?) 1. Nũkwenda kwovow’a, ĩw’a Yesũ akyasya: ũka kwakwa, ũkawona Wovosyo.  2. Yũ nũkũmũmantha, nake akĩkũmantha Myũnthĩ yonthe e vakuvĩ Aikwĩta.  3. Nũnũũkũtongoesya ũtangĩĩonĩ Na kũũnenga vinya wake ũmanye.  4. Mwĩtĩke, nũnũkũkwĩta,  Yesũ Mwovosya Nũũmũeka akũtie? Aiee.  5. Mwĩtĩkĩle Mwĩaĩi Yesũ,  Nũnũũkwovosya; Wĩ mũkw'ũ kana wĩ thayũ? Wĩ wake? (Amen)

 ŨSEO WAKU NO MANA (Life at best is very brief) 1. Ũseo waku no mana,  Ta wĩtĩko wa malaa, ũtangĩĩonĩ naku ĩthwa vo Ndũketeele mwene naĩ, mũomo nũtonya ũvingwa,  Na kĩĩo kyaku kĩyĩw’ĩka.  Ĩthwa vo, we ĩthwa vo,  Yĩla Yesũ ũkwĩtana ĩthwa vo.  Ndũketeele mwene naĩ, mũomo nũtonya ũvingwa,  Na kĩĩo kyaku kĩyĩw’ĩka.  2. Matũ maseo metĩkaa, kuma mĩtĩnĩ yamo,  Na ndwĩna kavinda ka ĩkalanga. ,  Tala thooa wa nthakame yake yo yĩ thayũ; Thayũ waku ũyaĩa ũimũnĩ.  3. Mwene naĩ ĩw’a wĩtano, Mwĩaĩi nĩwe wĩkwatyo Na ĩngĩ ĩtunĩ kwĩ ũtanu,  Uma kĩvindunĩ ũke kwa Yesũ ũthew’e,  Ũlike kyalonĩ kya ĩtunĩ.  (Amen)

 MŨTANGĨĨI MŨSEO (A Saviour who died) 1. Mũtangĩĩi mũseo, nĩwatũkw’ĩĩe; Mwovosya waitũ, watũvetee naĩ; Nĩwe Mũtangĩĩi, twĩ na vata nake; Nĩ Mwovosya ũtwaĩle.  Wĩ nake? Wĩ nake? Mũtangĩĩi ũsu, wĩ nake? 2. Mũĩthi ũla wakw’ĩĩe malondu Mũĩthi ũtonya kũmasũvĩa; Na nowe Mũĩthi wa ũtwaĩla,  Mũĩthi ũla wendetwe.  Wĩ nake? Wĩ nake? Mũĩthi ũsu, wĩ nake? 3. Mũtongoi ũla wĩna vinya mũno Mũtongoi ũla ũkĩlasya na mbee Mũtongoi ũla wĩ vata nake,  Nĩ ũtongoi ũtwaĩle,  Wĩ nake? Wĩ nake? Mũtongoi ũsu, wĩ nake? 4. Mũsesei thĩnanĩ, ona mawoonĩ; Mũsesei ũla twĩkwatĩtye ithyĩ; Nĩwe mũsesei ũla ũtwaĩle; Nĩ mũsesei wĩna vinya.  Wĩ nake? Wĩ nake? Mũsesei ũsu, wĩ nake? (Amen)

 SISYA NYIE NĨŨNGYĨ MŨOMONĨ (Behold me standing at the door) 1. Sisya nyie nĩũngyĩ mũomonĩ,  Nĩ Mwĩaĩi ũkũvingũsya; Mwene tei na ĩnee yingĩ; Nyie nĩndonya kũka nthĩnĩ.   Sisya nyie nĩũngyĩ mũomonĩ,  ĩw'a yu nĩngũvingũsya,  Neena yu ngoo yovetwe nĩ naĩ,  Nyie nĩndonya kũka nthĩnĩ? 2. Neekĩiwe ngovia ya mĩw’a,  Neekĩiwe nĩna wĩnyivyo,  Neena yu ngoo yovetwe nĩ naĩ,  Nyie nĩndonya kũka nthĩnĩ? 3. Ndĩtanĩa nyie mothũku,  Lilikana mathĩna asu; Nĩ naũkw’ĩĩe ngwovosye naĩnĩ; Nyie nĩndonya kũka nthĩnĩ? 4. Nĩnakũetee ũtanu,  ũthasyo, mũuo, na wendo,  Neena yu ngoo yovetwe nĩ naĩ; Nyie nĩndonya kũka nthĩnĩ? (Amen)

 ŨKAI ŨMŨNTHĨ ALA MWAĨTE (Tenderly pleading) 1. Ũkai ũmũnthĩ ala mwaĩte,  Yesũ Mũtangĩĩi nũkwĩtana yu; Akĩmũmantha amũtangĩĩe,  ũkai inyw’onthe mũikekalange.   Ekwĩta ũke ũka ũmũnthĩ ĩw'a wasya wa mũĩthi waw'o,  Ekwĩta wũke ũke ũmũnthĩ Ekwĩta wũke ũthũmũe.  2. Nĩkĩ mũkwaa na nũmweteele,  Nĩmũkwanganga kũasa nake; We amũthooiĩe na nthakame; Wendo wa ũseng’yo ũtaweteka.  3. Ĩw’ai ũvoo wa tei wake; Atena naĩ akw’a mũtĩnĩ,  Nĩ kana amũtangĩĩe inywĩ: Na ũtangĩĩo wa mumo wa Ngai.  4. Oũndũ mũilyĩ ũkai kwake,  Mũmwĩtĩkĩle nĩwe mũomo Nĩwe mũĩthi na nũkũmwĩta ũkai kwake amũthasye.  (Amen)

 VE MŨIO WA NAĨ (Step over the line) 1. Ve mũio wa naĩ na wĩ ngoonĩ yaku ũkũsiĩĩe ũtangĩĩo,  Nayu nũtonya we kwaa mana vyũ ĩw’a wĩtano ũũ wa Ngai.  Ũka tia mothũku asu onthe,  ĩtĩkĩla ndeto sya Ngai; ũkatulya ndu maũũnĩ ma Mwĩaĩi Nake nũnũkũtangĩĩa.  2. Nĩwangangĩte kũasa na Mwĩaĩi Mothũkunĩ ma nthĩ ĩno,  Syoka ũka kwa mũĩthi mũseo,  Tia nzĩa ĩno nthũku.  3. No itulumo sya nthĩ ikwaĩtye,  Na matatwa ma nthĩ ĩno; Syoka mũsyĩ vala ve ũthũmũo Tia nzĩa ĩno nthũku.  4. Ndũkakw’e ngoo, ũka kwa Mwĩaĩi,  Wose ũekeo wa naĩ; Mwĩaĩi nũkweteela na tei mũnene,  Tia nzĩa ĩno nthũku.  (Amen)

 WE WĨNA NGOO YĨNA THĨNA (O weary heart there is a home) 1. We wĩna ngoo yĩna thĩna,  Ve mũsyĩ wa ũsũvĩo,  Vala vate ũalyũko,  Nũũ ũtendaa kũvekala.  Thũmũa na mũuo vate w’ia Thũmũa na mũuo, vate w’ia Thũmũa, thũmũa, thũmũa.  Thũmũa na mũuo.  2. Ethwa nũkwaũa mũio,  ũtie maũndũ ma nthĩ ĩno Nũkwosa ũathimo kwa Ngai.  Eteela ũte na w’ia.  3. Nzĩa yaku yethwa mĩw'a Manya nĩ ya mũmaitha,  Na ngoo yaku yathũmũa; ũkeethwa na ũtheu mwingĩ.  (Amen)

 ETHĨWA NŨNOETW’E NĨ MŨIO WA NAĨ (Let Jesus come into your heart) 1. Ethĩwa nũnoetw’e nĩ mũio wa naĩ Mũthokye Yesũ ngoonĩ yaku,  Ethwa we wĩenda thayũ mweũ Mũthokye we ngoonĩ yaku.  Oyu nzika niũthela,  Oyu ndũkamũlee,  Oyu vingũa mũomo; Mũthokye we ngoonĩ yaku.  2. Ethwa we wĩenda kũthew’a yu,  Mũthokye Yesũ ngoonĩ yaku,  Kĩthima kya kũthesya naĩ nĩwe Mũthokye we ngoonĩ yaku.  3. Ethwa ve matatwa ĩũlũ waku,  Mũvoye Yesũ ngoonĩ yaku; Ethwa ve mũisyo ĩũlũ wa nthĩ.  Mũvoye we ngoonĩ yaku.  4. Ethwa we nũkwenda kũmũkatha,  Mũthokye Yesũ ngoonĩ yaku,  Ethwa wĩenda kũthi ĩtunĩ,  Mũthokye we ngoonĩ yaku.  (Amen)

 WE MŨNYANYAWA ŨKA KWA YESŨ 1. We mũnyanyawa ũka kwa Yesũ,  Akũtangĩĩe; Nĩwaminie naĩ syonthe,  Mũkelan’yonĩ.  Nzĩa yĩna ũthei ũmũnthĩ ethwa nũkwenda,  Wĩthĩwe wa kyeni naku nũkamwona vyũ,  ũsumbĩ wake.   2. Mwana - Asa wĩyumye,  Yesũ ekwĩta; Ndũkethĩwe na ũthatũ mwathe ũmwĩtĩkĩle.  3. Motanu ma nthĩ nĩ maingĩ,  We wĩsũvĩe,  Ndũkethĩwe na wendi waw'o Mũtiĩe Mwĩaĩi.  4. Nayu asa nĩtũũkũvoya,  ũtũtethasye,  Tũkakwinĩa na ũtanu; Vaa ĩũlũ wa nthĩ.  (Amen)

 NĨKĨ YUYU WE WETEELE (Why waitest thou) 1. Nĩkĩ yuyu we weteele,  Na Yesũ yũ nũkweteele; ũka yu mũne ngoo yaku Nĩwe nzĩa, w’o na thayũ.  Nũkũkwĩta we, nũkũkwĩta we; Nũkũkwĩta we, nũkũkwĩta we; Mũnenge yuyu ngoo yaku Nũkũkwĩta ũmũnthĩ.   2. Nĩkĩ yuyu we weteele,  Aumisye thayũ na ũtanu,  Wĩkalĩte na kĩmako,  Ti ĩvinda ya kwĩkala.  3. Nĩkĩ yuyu we weteele; Na ve wĩa wa kũtethya; Kwata ũseo tia ũthũku; ũkĩla weteele kĩ.  (Amen)

MŨSUMBĨ MBELISASA (The handwriting in the wall) 1. Mũsumbĩ mbelisasa nĩwavokie mboka,  Andũ make aingĩ tũsomaa ĩvukunĩ; ũtukũ makinywa na mĩio ya Ngai Masyaĩĩsye moonie kw’oko kwaandĩka ũvainĩ Nĩ kw’oko kwa Ngai kwandĩkie Kwaandĩkie ũvainĩ Mũvaka meko onthe maandĩkwe nesa Nĩ kw’oko kwa Ngai kũandĩkaa 2. Mũsumbĩ mbelisasa nĩwaseng'ie mũno,  Yĩla woonie kw’oko kwaandĩka ũvainĩ,  ũthyũ wa mũsumbĩ nĩwaalyũkile mũno,  Na maleenyũ make maleela nũndũ wa wia.  3. Nĩwatũmanie kwa andũ oĩ ma nthĩ; Na vai ũmwe wamo waatonya kũalyũla,  Ngũmbaũ ndanieli nĩwe watavanisye,  Mene mene tekeli ũsumbĩ nĩwathela.  4. O ta ũũ naitũ meko maitũ namo,  Nĩmaandĩkawa nesa na kw’oko ĩvukunĩ,  Mwene naĩ thengeea vala ve Mwĩaĩi Yesũ Mũthenya wĩ vakuvĩ ũũngame ũsilĩlonĩ.  (Amen)

 ŨTANGĨĨO WĨNA KLĨSTO (Salvation) 1. Ũkai tũtavan’ye ndeto nzeo sya ũthasyo,  Tũtavan’ye nthĩ yonthe Mũthenya wa yũvilii.  Ũtangĩĩo, ũtangĩĩo nĩwokie,  ũtangĩĩo, ũtangĩĩo wĩna Klĩsto 2. Inywĩ ala ngya, na ililinda ũkai kwakwa,  Mũke mwĩna mũyo, nũndũ Ngai nĩwamũthasya.  Tũmũtaĩei nũndũ atwendie na akw’a,  Mũuo andũnĩ nĩwaetiwe nĩ Klĩsto.  (Amen)

 NGĨMANTHA MŨNO (Seeking the lost) 1. Ngĩmantha mũno ĩĩ ngĩmesũva Ala mangangaa mothũkunĩ Ngĩmatavya nĩmoke kwa Yesũ,  Nĩw’o ũkwasya ũmũnthĩ ũũ.  Ngĩenda kũasa ĩũlũ iĩmanĩ,  Ngĩtũnga ala mangangaa; Nza kwa Yesũ Mwovosya wakwa,  ũla wakw’ie nũndũ witũ.   2. Ngĩmantha mũno ngĩtwaĩa Yesũ,  Ngoo ĩla mbonzu na ngoo syĩna woo; Ngĩsyon’ya nzĩa ya ũtangĩĩo,  Na nzĩa ya thayũ ũtathela.  3. Ũu nĩw’o ngwenda kũtavya andũ,  ũvoo wa tei wa Yesũ Klĩsto,  Ngĩkiakĩsya ala avinyu,  Ngyũkĩlya ala avalũku.  4. Ũu nĩw’o ngwenda kũmũvikĩla,  Klĩsto mĩthenya yakwa yonthe; Ngĩtwaĩa Yesũ ala maĩte,  Nĩkwĩthĩwa nĩwe nzĩa yaw’o.  (Amen)